Kulturimut isumassarsiorfik pillugu

 

Suliniummi ”Kulturikkut isumassarsiorfik – atuarfeqarfinnut kiffartuussivik”-mi ulluinnarni atuartitsinermi nutaaliorsinnaaneq, atuartitsissutinillu kulturimut tunngasunik neqerooruteqarnikkut,  atuartunut amerlanernut sunniuteqarsinnaaneq siunertarineqarpoq.

Kulturimut isumassarsiorfik atuarfinnut kiffartuussinissamut ataqatigiissaarisuussaaq, najukkami kulturikkut suliaqartartut eqqumiitsuliortullu  neqerooruteqarnissaanik paasissutissiinissaanillu  ingerlateqqiisuullunilu tapersersuisussaq.

Atuarfimmi nutaaliornissamut, faginilu kulturimut tunngasuni siuarsaasutut tapersersuisussatullu pilersinneqarpoq. Eqqumiitsuliortut, kulturikkullu suliaqartut atuarfeqarfinnut neqeroorusiorsinnaanerat  pitsanngorsarniarlugu.  Anguniarneqarportaaq atuartitsinerit kulturimut tunngasut nutaaliorsinnaanerlu atorlugit ilinniartitsissutigineqarsinnaaneri, soorlu ilaatigut workshoppertitsineq matematikkimi ilinniartitsivittut atorneqarsinnaalluni.

Kulturikkut isumassarsiorfik uani nittartakkami www.kulturikkut-isumassarsiorfik.sermersooq.gl./kl  iserfigineqarsinnaavoq, tassani ilinniartitsisutut neqeroorutigineqartut misissorsinnaavatit. Kiisalu kulturikkut suliaqartunik, eqqumiitsuliortunik ilinniartitsisunillu paasissutissanik aallersinnaallutit.

Kulturimut isumassarsiorfik Kommuneqarfik Sermersuumi Kulturi Aaqqissuussisarnermilu Immikkoortortaqarfimmeersumik ataqatigiissaarneqarpoq atuarfiit, suliffeqarfiit kulturikkut suliaqartut eqqumiitsuliortullu suleqatigalugit ingerlanneqartoq.

Saaffissaq: E-mail: isumassarsiorfik@sermersooq.gl, oqarasuaat: 367214.