Umiarsuit

By Evi Kreutzmann 4. December 2017

Suliassaq saqqummiinertalik suleqatigiikkaarluni ingerlanneqassaaq. Atuartut Nuummi Eqqumiitsulianik Saqqummersitsiviata saqqummersitaani – Umiarsuit/Skibene – suliaqassapput kingornalu suliatik ilaminnut saqqummiutissavaat. Suleqatigiit tamarmik immikkut allagaatinik assigiinngitsunik imalinnik karsimik pissapput. Taakkunanilu karsini saqqummiinissaminnut paasissutissanik atortussaminnik ujarliissapput. Suliap ingerlanerani soqutigisatik naliliisinnaassusertillu aallavigalugit allagaatit atorsinnaasatik toqqassavaat; qanoq sumilu paasissutissat pissarsiarinerlugit misilissaavaat.

Atuartut oqaluttuarisaanermik pisunik paasiniaanerminni allaagaatit oqaluttuarisaanermut tunngassutillit eqqumiitsuliallu paasiniaanerminni aallaavigissavaat. Sammisami imaq aallaaviussaaq, imarmi tassaammat umiarsuit atorlugit sinerissami illoqarfiit akornanni aammalu Kalaallit Nunaata nunarsuup sinneranut ataqatigiissitsisoq.

Sammisamik suliaqarneq marlunnut immikkoortortalerneqarsinnaavoq; sivikinneq (atuartitsinerit marluk) sivisuneq (atuartitsinerit sisamat).

 

Siunertaq

Taamatut suliaqarnerup siunertarivaa, atuartut allagaatinik ilisimasassanillu allanik ujartuinissamut suleriaaseqarnissamullu ilikkarnissaat taamatuttaarlu atortussaminnut toqqakkaminnut tunngatillugu isummersorsinnaanissaat. Atuartut angusassarissavaattaaq allagaatit saqqummersitallu imaasa paasillugit ilikkarnissaat, qanorlu eqqumiitsuliat – soorlu imarsiornermut tunngasut – oqariartuutaat paasillugillu isummerfigisinnaanissaat.  Sammisap inuiaqatigiilerinerup iluani anguniakkatut siunniussaasup (trinmål) siunertarivaa:Atuartup apeqqummut eqqarsaatersuummulluunniit isiginnittaatsinut assigiinngitsunut erseqqissaataasinnaasunik namminersuutigalugu paasissutissanik katersisinnaassasut najoqqutassanullu pingaarnernut pingaannginnerusunullu immikkoortiterisinnaassasut Atuartup apeqqummut eqqarsaatersuummulluunniit tunngatillugu najoqqutat pingaarnerit pingaan-nginnerillu tutsuiginassusiat atuutsinneqarnerilu sanilliullugillu nalilersinnaassagaat  

Peqataaniarluni nalunaarneq

Nuummi Eqqumiitsulianik Saqqummersitsivik:

tlf. 32 77 33

email:kunstmuseum@sermersooq.gl

 

Piffissaq

Ataavartumik ulluinnarni neqeroorutaassaaq. Siumoortumik isumaqatigiissuteqarnissaq pisariaqarpoq

Sivisussusaa

Nalunaaquttap akunneri marluk

Peqataasut amerlassusaat

Amerlanerpaamik atuartut 26-t.

Oqaatsit

  • Danskisut
  • Kalaallisut

Akia

Peqataaneq akeqanngilaq.

Klassi

  • 8. klasse
  • 9. klasse
  • 10. klasse

Iluseq

  • Sammisaqartitsiutigaluni suliaqarneq
  • Sumiiffimmi takornariartitsineq

Fagi

  • Danskisut
  • Eqqumiitsuliorneq illuliortaaserlu
  • Inuiaqatigiilerineq
  • Kalaallisut
  • Ullut sammisaqarfiusut

Suliffeqarfiit kulturimik suliaqartut

  • Nuummi Eqqumiitsulianik Saqqummersitsivik