Timip ilisimaarinera

By Susanne Engel 12. October 2017

Timip ilisimaarinissaa pillugu workshoppertitsineq trin 2-mi 3-milu atuartunut naleqquttuuvoq, ullunilu marlunni sisamaniluunniit ingerlanneqarsinnaalluni, ullut tamaasa akunnerit marluk sisamalluunniit atuartitsissutigineqarsinnaallutik. Tamanna klassip pisariaqartitai naapertorlugit aaqqissuunneqarsinnaavoq.

Workshoppimi tassani atuartut timiminnik ilisimaarinninnissaat sammissavarput, assigiinngitsut ataasiakkaanut tunngasut iluaqutsiullugit ataatsimoorlutalu pinnguaqatigiinnikkut timip nipillu atorluarnissaa ilinniassallugu, inimik atuineq aammalu immitsinnut oqaatsit atunngikkaluarlugit qanoq tusarnaarsinnaanerluta ilinniassallutigu.

Workshopperneq Nunatta Isiginnaartitsisarfiani isiginnaartitsisartumit ingerlanneqassaaq, nammineq atuarfigisami imaluunniit Illorpumi ingerlanneqarsinnaalluni.

Malugiuk:

  • Ukioq manna 2017-mi suliami ilaaneq akeqanngilaq. Aappaagu atuisunut akeqalernissaa siunniunneqarpoq, sulili aalajangiunneqanngilaq.
  • Tamatuminnga ingerlatsinissaq ataasiakkaanut isumaqatigiissutigineqarsinnaavoq, ingerlatsinnginnermilu qaammat ataaseq sioqqullugu pilersaarusiorneqassalluni.
  • Atuartut namminneq atisassaminnik aalanissaminnut naleqquttunik nassassapput, taavalu workshopperneq nammineq atuarfigisami ingerlanneqassappat, inimik natermi inissaqarluarfiusumik atorfissaqartitsissalluta.
  • Workshoppimi peqataaniaraanni taquarnissaq pisariaqarpoq.

Siunertaq

Timikkut iliuutsit oqaatsinit sakkortunerupput, timilu atorlugu oqariartuuteqarsinnaaneq ilinniartitsissutigineqassallutik. Misigissutsit assigiinngitsut aammalu isummat assigiinngitsut timikkut qanoq sunniisarneri paasisaqarfigineqassapput, aammalu timitta tusarnaarnissaanut tunngasunik sunik ilikkagaqarsinnaanerluta paasisaqarfigineqassallutik. Timivit aalanera allanut qanoq sunniuteqartarpa, aamma qanoq isumaqarpa?

Sammisassat: Inuttut ineriartorneq, Isiginnaartitsineq, pinnguarneq aalanerlu, Qitinneq, Timimik ilisimaarinninneq

Peqataaniarluni nalunaarneq

Saaffissaq:

Nunatta Isiginnaartitsisarfia

email: info@nuis.gl,tlf. 381370

Piffissaq

Isumaqatigiissuteqarnikkut. Ataavartumik neqeroorutaassaaq.

Sivisussusaa

Ullut marlunniit sisamat tikillugit. Ullut tamaasa akunnerit marluk sisamallu akornanni.

Peqataasut amerlassusaat

Amerlanerpaamik atuartut 25-t.

Oqaatsit

  • Danskisut
  • Kalaallisut

Akia

Peqataaneq akeqanngilaq.

Klassi

  • 4. klasse
  • 5. klasse
  • 6. klasse
  • 7. klasse
  • 8. klasse
  • 9. klasse
  • 10. klasse

Iluseq

  • Suleqatigiissitat/Workshop

Fagi

  • Aalaneq pissanganartuliornerlu
  • Inuttut ineriartorneq
  • Nipilersorneq erinarsornerlu
  • Timersorneq silamiinnerlu
  • Ullut sammisaqarfiusut

Suliffeqarfiit kulturimik suliaqartut

  • Nunatta Isiginnaartitsisarfia