Oqaluttuarneq aamma Inuttanik ilusilersuineq

By Evi Kreutzmann 21. March 2019

Oqaluttuat nuannersut nuannarisaqaagut… isiginnaartarpugut, atuakkanik atuartarluta qangalu oqalualaanik tusarnaartarluta. Oqaluttuat ilai illarnarput, allat alianartut tusarnersullu, ilaalu sapiitsuliortunut tunngallutik.

Workshoppernitsinni oqaluttuat illit nammineq oqaluttuarissavat, illit sapiitsuliortuutit. Immaqaluunniit uumasorujussuarmik pinniitsumik oqaluttuaq annilaanganartoq?

“Oqaluttuarneq aamma Inuttanik ilusilersuineq” meeqqat atuarfianni Trin 2-nut anguniagaavoq workshoppiullunilu tassani takutillutigu iluseq qanoq “Inuttarluunniit” (sapiitsuliortoq angut/arnaq/uumasorujussuaq) isuseqarsinnaanersoq, qanorlu oqaluttuamik suliaqartoqarsinnaanersoq taassuma peqataaffigisinnaasaanik.

Maria Kreutzmann titartakkanik qiortaallunilu nipititikkanik ilisarititsivoq, meeqqallu nammineq sapiitsuliorlutik unikkaanit uumasuliorlutik assilialiorlutik atuagassianit aviisinillu.  Robin Hillestrømip takutissavaa qanoq oqaluttuartoqartarnera assersuutinillu oqaluttuarluni qanoq inuttaliortoqartarnersoq.

Workshoppi ilisarititsinertaqarpoq naatsumik, kingornatigut meeqqat nutaanik pilersitsinissaminnut nammineertinneqassallutik Maria Robinilu siunnersuitinneqassallutik apeqqutinullu akisinnaallutik. Naggataatigut oqaluttualiullaqqinnermut inuttaliullaqqinnermullu annikitsumik  akissarsiassaqassaaq.

 

Allanut saqqummiussisoqassanngilaq taamaallaat Mariamut Robinimullu!

Soorunami atuaqatit sulerisimanermik oqaluttuunneqarsinnaapput, kisianni aatsaat nammineq piumagaanni. Oqaluttuat nuannersuupput pingaaruteqarlutillu, aamma inummut namminermut tunngallutik ilaatigullu namminermut kammanulluunniit suliarineqarsinnaallutik.

Mariap Robinillu isumassarsiatut atuagaq “Bestiarium Groenlandica” atorpaat (namminneq allatatik), qangalu Kalaallit Nunaanni oqaluttuani inuttarineqartartut amerlasuut takutillugit. Aamma namminneq titartakkatik oqaluttualiatillu nassarpaat, takorluuilluni nassaarsiorusukkaanni.

 

Siunertaq

Workshoppertitsinerup siunertaraa meeqqat takorluuisinnaanerannut oqaluttuanut assilissanullu ineriartorsinnaalernissaat. Aallariarneq qanga kalaallit avataarsuani oqaluttuaannik aallartipparput, kisianni meeqqat namminneq inuttassaminnik ineriartortitsinissaminnut oqaluttuanullu namminneq pilersitsinissaminnut pisinnaapput - quianartut, sungiussineq nutaaliorsinnaanerlu pingaarnerpaapput. Oqaluttuat assilissallu atorneranni meeqqat takorluuisinnaanerat aallartisarneqassaaq aammalu taakkununnga pikkorippallaanngitsut allanik ilaneqarsinnaallutik. Meeqqat sianissutsiminnit nunamilu inuunerminnit misigisaminnit oqaatsitigut assilissatigullu oqaluttuarsinnaanissaminnut periarfissaqassapput. Taamaasillutik eqqarsaatit misigissutillu artornartuusinnaagaluartut oqaatiginissaannut atornissaannullu toqqissisimasunik piumasaqaataanngitsunillu sinaakkutinik sakkussaqalerlutik.

Sammisassat: assilialiorneq, ilusilersuineq, inuttanik ilusilersuineq, kulturi, Nutaaliorsinnaaneq, oqaluttuaq, takussaasoq

Peqataaniarluni nalunaarneq

mail: karakterdesign.gl@gmail.com
oga.: 29 82 18/54 57 71

Piffissaq

Ataasinngorneq, marlunngorneq, sisamanngorneq, tallimanngorneq (ullut tamaasa pingasunngorneq minillugu)

Sivisussusaa

Atuartitsiffissat akunnerit 3

Peqataasut amerlassusaat

Ann. 30

Oqaatsit

  • Danskisut
  • Tuluttut

Akia

Peqataaneq akeqanngilaq.

Klassi

  • 4. klasse
  • 5. klasse
  • 6. klasse
  • 7. klasse

Iluseq

  • Suleqatigiissitat/Workshop

Fagi

  • Assassorneq ilusilersuinerlu
  • Danskisut
  • Eqqumiitsuliorneq illuliortaaserlu
  • Inuttut ineriartorneq
  • Ullut sammisaqarfiusut

Akisussaasoq

Maria Kreutzmann & Robin Hillestrøm