Nuuk illoqarfiit pingaarnersarilermassuk

By Susanne Engel 13. October 2017

”Nuuk illoqarfiit pingaarnersarilermassuk” tassaavoq Nuup illoqarfiata oqaluttuassartaasa ilaa. Atuartut katersugaasivik pillugu ilisarititsiffigineqassapput, aammalu Nuup 1950´ikkunniit maannakkumut ineriartornera pillugu oqaluttuunneqassallutik. G60-imut pilersaarut aallaavigalugu Nuup illoqarfiata ineriartornera tikikkiartuaassavarput, inissialiortiterneq aammalu Danmarkimiit nuuttartut nunaqarfiillu pillugit.

Ilisarititsinermut tassunga uiggiullugu oqaluttuussisup atuartut Blok P pillugu oqaloqatigissavai, sooq sananeqarsimanersoq, sooq Blok P-mik taaguuteqarnersoq, aammalu isaterneqarneranut suna peqqutaanersoq. Tamanna aqqutigalugu 50íkkunni Nuummi najugaqariaatsimi allannguutinut annertuunut tunngasunik atuartut paasisaqartinneqassapput.

Blok P pillugu filmiliaq takussavarput (35 min). Filmereerutta atuartunut eqqarsaatigeqquneqassaaq inissiarsuarmi angerlarsimaffimmilu najugaqarnermi suut assigiinngissutaanersut.

Atuartut tamarmik qanoq isumaqarnertik pillugu allaaserinnissinnaallutillu/titartaasinnaapput.

Piffissaqartoqassappat atuartut piffissap sinnerani namminneq illup iluani angalaarsinnaapput.

Katersugaasiviup aqutsisua Vinni Sølvblad ataqatigiissaarisuussaaq.

Malugalugu: Illoqarfimmi takuniaanissamut peqataaniaraanni sapaatip akunnera sioqqullugu inniminniisoqassaaq.

Siunertaq

Taamatut neqerooruteqarnikkut katersugaasiviup kissaatigaa atuartut illoqarfiup ineriartorneranik, Nuummilu aataakkut nalaanni inuunermi atugarisat pillugit ilisimasaqarnerulersinneqarnissaannut peqataanissaq. Nuummi illoqarfiup ineriartorneranut eqqarsaatersuuteqarnikkut atuartut ullutsinni inuiaqatigiit ineriartornerinut isornartorsiuisinnaalernissaat inerikkiartortinneqassaaq. Atuartut eqqarsaatersorsinnaalissapput, politikkikkut eqqarsartaatsikkullu iliuutsit qanga pisimasut pillugit (G-50 aamma G-60) pillugit pilersaarutit, ullumikkut taakkua namminneq inuunerminnut qanoq sunniuteqarnersut pillugit.

Sammisassat: angerlarsimaffik, illoqarfik/nunaqarfik, illut, inuiaqatigiit ineriartornerat

Peqataaniarluni nalunaarneq

Saaffissaq:

Vinni Sølvblad

email:vinn@sermersooq.gl, tlf.36 60 31

Piffissaq

Ataavartumik neqeroorutaassaaq. Siumoortumik isumaqatigiissuteqarnissaq pisariaqarpoq.

Sivisussusaa

Akunnerup aappaa avillugu

Peqataasut amerlassusaat

Amerlanerpaamik 25 (imaluunniit atuaqatigiit ataatsit)

Oqaatsit

  • Danskisut

Akia

0 kr.

Klassi

  • 8. klasse
  • 9. klasse
  • 10. klasse

Iluseq

  • Filmerneq
  • Sammisaqartitsiutigaluni suliaqarneq

Fagi

  • Danskisut
  • Eqqumiitsuliorneq illuliortaaserlu
  • Inuiaqatigiilerineq
  • Inuttut ineriartorneq
  • Kalaallisut
  • Ullut sammisaqarfiusut

Suliffeqarfiit kulturimik suliaqartut

  • Nuutoqaq