Nuutoqqami takornariarneq

By Susanne Engel 13. October 2017

”Nuutoqqamut takornariarneq”.

1.-7. klassemi atuartunut Nuutoqqami takornariartitsineruvoq. Takornariarnermi atuartut oqaluttuunneqassapput, qanoq ililluni maani Nuummi/Godthaab suut tamarmik aallartissimanersut.

Hans Egedep nalaaniit ullumikkumut, aataakkut 1950’ikkunni inuunerat tikillugu, illoqarfiup allanngoriartorfiani.

Illut isiginnaarneqassapput, sunut atorsimanersut oqaluttuarineqassaaq, aammalu illut sunik oqaluttuassartaqarnersut tusarnaarneqarsinnaalluni. Hans Egedep eqqaassutissaa alakkassavarput, Sassuma Arnaa eqqartussavarput, eqqaassutissat takussavagut immaqalu  illutoqqanut iserluta qanoq inneri maluginiassavagut,  uunnassiutigaluta.

Atuartut katersugaasivimmut uterunik suliassinneqassapput, suliassaq atuartup ukiuinut piffissaliunneqartussamullu naleqqussagaassaaq.

Pernille Kreutzmann ataqatigiissaarisuuvoq akisussaasutullu takornariartitsisuussalluni.

Malugalugu: Atuartut takornariarnermi oqortunik atisaqassapput, peqataaniaraannilu sapaatip akunnera sioqqullugu inniminniisoqassaaq.

Siunertaq

Taamatut neqerooruteqarnikkut katersugaasiviup kissaatigaa atuartut najukkamik oqaluttuassartaannik ilisimasaqalersinneqarnissaat, aammalu atuartut qanga maannakkullu inuuneq pillugu eqqarsaateqarsinnaalernissaat. Uummaarissumik illoqarfiup oqaluttuassartaata atuartunut ammaassiffigineratigut, illoqarfitsinni pisarsimasut oqaluttuassartaannik ilisimannilerneq anguneqassaaq, taamatullu siunissaq pillugu takorluuisinnaanermik pilersitseqataassalluni. Anguniagaavoq atuartut eqqarsaatersuutigilissagaat inuiaqatigiinni suut pingaartinneqarnersut, taamaasillutillu qanga maannakkullu pissutsit assigiinngissutaannik assigiissutaannillu eqqarsaatiginnilersinnaallutik. Nuutoqqami takornariarnikut, paasisatik tunngavigalugit angajoqqaatik aataakkutillu qanga inuuneq, maannakkullu inuuneq oqaloqatigiissutigisinnaalissavaat.

Sammisassat: illut, inuiaqatigiit ineriartornerat, kinaassuseq, Nuuk, oqalluttuat qanganitsalersaarutit

Peqataaniarluni nalunaarneq

Saaffissaq: Vinni Sølvblad

email:vinn@sermersooq.gl, tlf.: 36 60 31

Piffissaq

Ataavartumik neqeroorutaassaaq. Siumoortumik isumaqatigiissuteqarnissaq pisariaqarpoq.

Sivisussusaa

Akunnerup aappaa avillugu

Peqataasut amerlassusaat

Amerlanerpaamik atuartut 25-t (imaluunniit atuaqatigiit ataatsit)

Oqaatsit

  • Danskisut
  • Kalaallisut

Akia

Peqataaneq akeqanngilaq.

Klassi

  • 1. klasse
  • 2. klasse
  • 3. klasse
  • 4. klasse
  • 5. klasse
  • 6. klasse
  • 7. klasse

Iluseq

  • Sammisaqartitsiutigaluni suliaqarneq

Fagi

  • Danskisut
  • Eqqumiitsuliorneq illuliortaaserlu
  • Inuiaqatigiilerineq
  • Kalaallisut
  • Ullut sammisaqarfiusut
  • Upperisarsiorneq isumalioqqissaarnerlu

Suliffeqarfiit kulturimik suliaqartut

  • Nuutoqaq