Marriorneq: Nammineq tiitorfiliorit

By Susanne Engel 12. October 2017

Marriortitsineq “Tiitorfiit nammineq isumassarsiat malillugu ilusilersoruk” atuartunut 7.-10. klassinut tulluartoq marloriarluni Illorput-mi marriorfimmut takkunnikkut ingerlanneqartussaq. Atuartut tiitorfimmik  nammineq sananissamik periarfissaqarput. Marriortitsinerit marriortumit Lena Olsenimit ingerlanneqassapput nutaaliorsinnaanermik, nuannisarnissamik, pinnguarnissamik itisiliinissamillu periarfissiivoq.

Takkuteqqaarnermi tiitorfik oqallisigalugu ulluinnarnilu atorneqartarnera pillugu oqallinnermik aallatissaaq. Nunani allani tiitorfiit nalinginnaasumik ilusilersortarsimanerannik assilissanik takutitsisoqassaartaaq.  Kingorna atuartut tiitorfik ilusilersorusutartik titartassavaat.  Atuartut piareerunik, tiitorfiullu ilusissaa sanarusutartik isumassarsiarereerlugu piffissap sinnera tiitorfiup ilusilersornissaanut atorneqassaaq.  Lenap tiitorfiup qanoq sananeqarsinnaaneranut periuutsit assigiinngitsut pingasut takutissavai.

Takkuteqqinnermi atuartut tiitorfiliatik assigiinngitsunik qalipaasersussavaat sikassaaserlugulu.  Kiisalu tiitorfiit qalipaasersorlugit kusassakkat assingi takutinneqassapput.

Takkuteqqinnermi sanaat qanoq ilinikkut  aaneqarnissaat isumaqatigiissutigineqassaaq.

Klassi marlunngorlugu avinnissaanut periarfissaqarpoq, taamaalilluni klassimi peqataarusuttut tamarmik peqataanissaannut periarfissillugit.

Malugiuk: Workshoppi sivikinnerpaamik sapaatit akunnera sioqqullugu Workshoppeqarnissaanut inniminnerneqassaaq.

Siunertaq

Uani workshoppimi atuartut marraq atorlugu suliaqarsinnaaneq ilinniassavaat, kiisalu marraq atortussianngorlugu eqqumiitsuliaraluguluunniit suliarisinnaanerlugu ilinniassallugu.  Atuartut namminneq assatik atorlugit nutaaliorsinnaanertik misilittagaqarfigilissavaat, inuttut ineriartorfigisaminnik.

Sammisassat: assassorneq, atortussiorneq, ilusilersuineq, marraq, Marriorneq, Nutaaliorsinnaaneq

Peqataaniarluni nalunaarneq

Saaffissaq:

Lena Olsen

email: lenainuk@hotmail.com, tlf.226034.

Piffissaq

Isumaqatigiissuteqarnikkut. Ataavartumik neqeroorutaassaaq.

Sivisussusaa

Takkunnerit marluk, atuarnermi akunnernut marlunnut atorneqartussanik sivisussusillit.

Peqataasut amerlassusaat

Amerlanerpaamik atuartut 10-t.

Oqaatsit

  • Danskisut
  • Kalaallisut

Akia

0 kr.

Klassi

  • 7. klasse
  • 8. klasse
  • 9. klasse
  • 10. klasse

Iluseq

  • Suleqatigiissitat/Workshop

Fagi

  • Assassorneq ilusilersuinerlu
  • Eqqumiitsuliorneq illuliortaaserlu
  • Ullut sammisaqarfiusut

Suliffeqarfiit kulturimik suliaqartut

  • Illorput

Akisussaasoq

Lena Augusta Olsen