Maluginiutilerineq

By Susanne Engel 17. August 2017

Maluginiutilerinermi suliassaaqqat assigiinngitsuupput, 1.-3. klassenut tulluarsakkat. Suliassat ilaat meeqqerivinni anginernit aamma sammineqarsinnaapput.

Maluginiutilerineq kuffertinik assigiinngitsunik imalinnik tunngaveqarpoq, ilinniartitsisumit tigummineqartussat. Atuartut eqqumiitsulianik assigiinngitsutigut sammisaqartassappt, soorlu eqqumiitsuliat eqqartorlugit eqqarsaatersuutigalugillu, eqqumiitsuliallu isiginnaarlugit. Kuffertit ilinniartitsisumut ilitsersuutinik sammisaqarnermilu atortussanik imaqarput.

Nuummi Eqqumiitsulianik Saqqummersitsivimmi sulisut tikilluaqusissapput; tikilluaqusinermi atuartut katersugaasiviit/saqqummersitsiviit, eqqumiitsuliorneq eqqumiitsuliallu pillugit eqqartueqatigillatsiarneqassapput. Tamatuma kingorna ilinniartitsisoq atuartullu namminiissapput.

Suliassat ilitsersuutillu tamarmik saqqummersitsivimmut saaffiginninnermi imaluunniit downloadernikkut pissarsiarineqarsinnaapput: http://www.nuukkunstmuseum.com/kal/atuartitsineq/

Siunertaq

Atuartut eqqumiitsulianit misigisatik eqqarsaatersuutiginissaat oqaasinngortinnissaallu siunertaavoq. Siunertaavortaaq eqqumiitsuliat aaliangersimasumik inernilerneqarsinnaannginneranik, assigiinngitsorpassuanilli isummersorfigineqarsinnaaneranik paasinninnissaat. Maluginiutilerineq eqqumiitsulianik misissuinissamik oqaasilersuinissamillu atuartunut kajumissaarutaavoq. Maluginiutilerinermi atuartut eqqumiitsulianik assinillu sammisaqarnermi oqaatsit atorneqartartut ilisimalissavaat, kingusinnerusukkut assinik misissueqqissaarnermi (billedanalyse) atorluarneqaqqissinnaasunik.

Peqataaniarluni nalunaarneq

Nuummi Eqqumiitsulianik Saqqummersitsivik:

32 77 33

kunstmuseum@sermersooq.gl

Piffissaq

Ataavartumik neqeroorutaassaaq. Siumoortumik isumaqatigiissuteqarnissaq pisariaqarpoq.

Sivisussusaa

Akunnerit 1-2 atuartitsinermi atorneqartussat.

Peqataasut amerlassusaat

Amerlanerpaamik atuartut 26-t.

Oqaatsit

  • Danskisut
  • Kalaallisut

Akia

Peqataaneq akeqanngilaq.

Klassi

  • 1. klasse
  • 2. klasse
  • 3. klasse

Iluseq

  • Sammisaqartitsiutigaluni suliaqarneq

Fagi

  • Danskisut
  • Inuttut ineriartorneq
  • Kalaallisut
  • Ullut sammisaqarfiusut
  • Upperisarsiorneq isumalioqqissaarnerlu

Suliffeqarfiit kulturimik suliaqartut

  • Nuummi Eqqumiitsulianik Saqqummersitsivik