Atuarnermut kajungilersitsineq

By Susanne Engel 12. October 2017

Nunatta Atuagaateqarfiani meeqqanut inuusuttuaqqanullu atuagaatilerisut atuakkat assigiinngitsunik stilillit pitsaanerpaat toqqarsimasatik saqqummiutissavaat (atuaruminartut, fantasy, inuusuttunut atuaruminartut, dark romance, pinerluttulersaarutit, science fiction, asanninneq, quianartut il. il.) atuagaateqarfiullu iluani sumi nassaarineqarsinnaanersut oqaluttuaralugit. Meeqqat ataasiakkaarlutik ikiorneqarlutik soqutigisartik sumiinnersoq ujassavaat.

Paasisitsiniaaneq meeqqat ukiui pisinnaasaalu aallavigalugit aaqqissuunneqassapput.

Kissaatigineqassappat atuffassinermik nerinermilluunniit naggaserneqarsinnaavoq.

Atorniutit eqqaamallugit. Atorniuteqanngikkaanni ilaasortannnngornissamut immersugassamik meeqqat angajoqqaaminnut angerlaassisinnaapput. Angajoqqaat meeqqamullu paarsisut kisimik ilaasortanngornissamut immersuisinnaapput (meeqqanut 18-it inorlugit ukiulinnut).

Minnerpaamik sapaatip-akunnera piareersarfissaqassaagut, taamaammat mailerlusi sianerlusiluunniit piffissamik inniminniisinnaavusi.

Siunertaq

Atuakkat meeqqat ukiuinut naleqqussakkat atorlugit atuarnermut kajumilersitsiniaaneq, kiisalu atuakkanik nammineq soqutigisanik ujaasisinnaanermut ilinniarneq.

Sammisassat: Atuagaatinik paasisitsiniaaneq, Atuarneq, Kajungeralugu atuarneq

Peqataaniarluni nalunaarneq

Saaffissaq:

Mette Laustsen

email:mette@katak.gl, tlf. 34 89 27

Piffissaq

Ullut tamaasa periarfissaavoq ullup qeqqartinnagu pisartussaammat. Pingasunngornikkut nal. 10 nallertinnagu pisassaaq.

Sivisussusaa

1 tiimip missaaniissaaq, allanilli piumasaqartoqassappat sivikkinerusinnaavoq.

Peqataasut amerlassusaat

Amerlassusissaat killeqanngilaq, aggertinnasili paaseriissavarput qassit missaat takkutissanersut.

Oqaatsit

  • Danskisut
  • Kalaallisut

Akia

Peqataaneq akeqanngilaq.

Klassi

  • 1. klasse
  • 2. klasse
  • 3. klasse
  • 4. klasse
  • 5. klasse
  • 6. klasse
  • 7. klasse
  • 8. klasse
  • 9. klasse
  • 10. klasse

Iluseq

  • Oqalugiarnerit
  • Sumiiffimmi takornariartitsineq

Fagi

  • Danskisut
  • Kalaallisut

Suliffeqarfiit kulturimik suliaqartut

  • Nunatta Atuagaateqarfia