Eqqartuussunermik aalajangeeqqinneq

By Evi Kreutzmann 18. September 2019

Piviusumik eqqartuussissagaluaruit eqqartuussutit qanormita issagaluarpa, nunagisannilu inatsisit allanngortitissagaluarukkit qanormita naapertuunnerusunngortissinnaavigit?

 

Workshopimi suleqatigiissutissami eqqartuussimaneq naammassineqareersoq nalilersoqqillugu inernileeqqissapput, kingornali inatsisissamut siunnersuusiorlutik. Eqqartuussisimaneq pisimasuik paasiuminarsagaq pineqartullu ativiinik allassimasoqarunnaarsitaq ilinniartut piviusuusaartitaliarissavaat. Akunnerminni kikkut eqqartuussisuussanersut, unnerluussisuussanersut, illersuisuussanersut nævningiussanersullu inississinnarlugit eqqartuussinermi tunngavilersuutit namminneq isummatik malillugit iluarsaatissavaat, naggataatigullu eqqartuussut aalajangersartillugu.

Workshopi eqqumiitsuliornikkut suliap Law Shiftersip Nuummi Eqqumiitsulianik Saqqummersitsivimmi ingerlanneqartup ilagaa, suleqatigiinnerullu saniatigut Inatsisinut maskiinamik ilaqartinneqarluni. “Maskiinamut” tassunga kikkulluunniit inatsisissanik siunnersuuteqarsinnaapput, kingorna jurami oqaatsinut nuunneqartartussanik, taamaaliornikkut paasiuminarsisikkumallugu inatsisivimmi oqariaatsit qanoq ittut atorneqartarnersut. Eqqumiitsuliornikkut suliamissaaq ilaapput allagartarsuit illoqarfimmi nivinngarneqartartussat, saqqummersitsinerup ingerlanerani inatsisissanut siunnersuutit ilaannik imaqartillugit.

 

Siunertaq

Workshopip siunertaraa eqqartuussinerit inatsisillu suunerinik suliaanerannillu paasisimasaqarnerulersitsinissaq. Ilinniartut isummerfigisassavaat naapertuilluartumik aalajangiineq suunersoq, taannalu pillugu tunngavilersuinissaq, taamaaliornerlu pisassaaq eqaatsumik, pinnguiniarluni pituttugaanngitsumik sulinikkut. Inatsit tassaavoq politikkikkut sulianik allaaserisaq, inuit ileqqorissaarnikkut, naapertuilluarnikkullu isumaannik ersersitsisoq. Eqqartuussisutigut suliaq tassaavoq pereersunik allaaserisaq, eqqartuussinerup nalaani inuiaqatigiit ileqqorissaarnermik paasinneriaasiannik takutitsisoq.

Peqataaniarluni nalunaarneq

kunstmuseum@sermersooq.gl // tlf. 32 77 33

Piffissaq

Workshopi 2019-imi 25. novembarimiit 20. decembarip tungaanut pisussatut neqeroorutaassaaq, kiisalu 2020-imi 3. februaarimiit 27. februaarip tungaanut

// sap.akunneranut workshopit marluk ingerlanneqartassapput

Sivisussusaa

90 min.

Peqataasut amerlassusaat

26

Oqaatsit

  • Danskisut
  • Kalaallisut

Akia

Peqataaneq akeqanngilaq.

Klassi

  • 7. klasse
  • 8. klasse
  • 9. klasse
  • 10. klasse

Iluseq

  • Suleqatigiissitat/Workshop

Fagi

  • Danskisut
  • Inuiaqatigiilerineq
  • Inuttut ineriartorneq
  • Kalaallisut
  • Ullut sammisaqarfiusut
  • Upperisarsiorneq isumalioqqissaarnerlu

Suliffeqarfiit kulturimik suliaqartut

  • Nuummi Eqqumiitsulianik Saqqummersitsivik

Akisussaasoq

kunstmuseum@sermersooq.gl // tlf. 32 77 33