Qitinneq

By Susanne Engel 12. October 2017

Qiajuk Studio Innuttaasullu illuat Illorput suleqatigiinnikkut 5, 6 aamma 7 klassinut tulluartunut qitinnermik workshoppertitsinermik neqerooruteqarput. Qitinnermik wokrshoppertitsinerit klassit ataasiakkaat soqutigisaat malillugit aaqqissuuneqarsinnaapput fagimullu Lokale valgimut aalanermi eqaarsaarnermiluunniit sammissallugu tulluarluni. Atuartut qitittariaatsit assigiinngitsut iluanni qiteriaatsimik aalajangersimasumik sungiusarsinnaapput tassuunalu nipilersuut malillugu qanoq aalassanerlutik sungiusassallugu.

Qitinnermik workshoppertitsinernut makku qiteriaatsit assigiinngitsut toqqarneqarsinnaapput soorlu Street Dance, Contemporary, Break Dance, Jazz, Ballet aamma Improvisation.

Klassi marlunngorlugu avinnissaanut periarfissaqarpoq, taamaalilluni klassimi peqataarusuttut tamaasa peqataanissaannik periarfissillugit.

Qiajuk Studios attavigalugu peqataanissamut nalunaartoqarsinnaavoq ersarinnerusumillu isumaqatigiissusiorluni. Illorput imaluunniit atuarfigisaq workshopperfittut atorneqarsinnaapput. Workshoppi sivikinnerpaamik sapaatit akunneri marluk sioqqullugu inniminnerneqassaaq.

Malugiuk: Atuartut aalataasinnaasunik atisaqassapput kiisalu timersornermi skoqarnissaat innersuutigineqarluni.

 

Siunertaq

Qitinnermik workshoppeqartitsinerup siunertaraa atuartunut qitinnermik nuannersumik misigisaqartitsinissaq atuartullu aalariaatsit ilaannit misileraanissaannut periarfissiineq, qitimmi alloriarnerit piffissarlu apeqqutaatillugu qittasinik ilusilersuisoqarsinnaavoq.  Qitinnermik workshoppeqartitsineq tassaavoq atuartut akornanni timimik ilisimaarinninnermik pilersitsineq aamma inuttut ineriartornermut iluaqutaasinnaasoq, qitik aqqutigalugu nammineq killissat misilerarnerisigut, unammillernartunillu ujartuinermut atorneqarsinnaasut

Sammisassat: Aalaneq, Inuttut ineriartorneq, Isiginnaartitsineq, Nipilersorneq, Performance, Qitinneq, Rytme, Timimik ilisimasaqarneq

Peqataaniarluni nalunaarneq

Saaffissaq:

Qiajuk Studios

email: ruth@qiajuk.com, tlf. 559340 imaluunniit 548932

Piffissaq

Ulluinnaat tamaasa ullaap tungaani – siumoortumik isumaqatigiissuteqarnissaq pisariaqarpoq

Sivisussusaa

Atuartitsinermi akunneq ataaseq marlulluunniit.

Peqataasut amerlassusaat

Amerlanerpaamik atuartut 15-t.

Oqaatsit

  • Danskisut
  • Kalaallisut
  • Tuluttut

Akia

Peqataaneq akeqanngilaq.

Klassi

  • 5. klasse
  • 6. klasse
  • 7. klasse

Iluseq

  • Suleqatigiissitat/Workshop

Fagi

  • Aalaneq pissanganartuliornerlu
  • Inuttut ineriartorneq
  • Nipilersorneq erinarsornerlu
  • Timersorneq silamiinnerlu
  • Ullut sammisaqarfiusut

Suliffeqarfiit kulturimik suliaqartut

  • Illorput

Akisussaasoq

Qiajuk Studios