Assinik misissueqqissaarneq

By Susanne Engel 17. August 2017

Assinik misissueqqissaarneq 7.-10. klassenut tulluarsagaavoq. Atuartut eqimattakkaarlutik nammineq suliaqartassapput. Eqimattakkaarlutik suliaqarnerminni atuartut eqqumiitsulianik assinillu samminninnermi oqaatsit atorneqartartut sammissavaat, soorlu qalipaatit, tulleriiaarinerit, ilusiitsut/ilisarnanngitsut.

Atuartut eqqumiitsuliat assigiinngitsumik sammissavaat, ilaatigut takorluuisinnaanertik atorlugu. Eqqumiitsulianik samminninneq assigiinngitsunik ingerlanneqarsinnaavoq;  saqqummiussiffigitilluni saqqummiussiffigineqaraniluunniit, kisimiilluni eqimattakkaarluniluniluunniit suliaqarneq, imaluunniit tamarmik ataatsimoorlutik suliaqarlutik.

Nuummi Eqqumiitsulianik Saqqummersitsivimmi sulisut tikilluaqusissapput; tikilluaqusinermi atuartut eqqumiitsuliat assinillu misissueqqissaartarneq pillugit eqqartueqatigillatsiarneqassapput. Tamatuma kingorna ilinniartitsisoq atuartullu namminiissapput. Saqqummersitsivimmukannginnermi suliassat, eqimattakkaartussat saqqummiussisoqartassanersorlu aaliangereersimanissaat innersuussutigineqarpoq.

Suliassat ilitsersuutillu tamarmik saqqummersitsivimmut saaffiginninnermi imaluunniit downloadernikkut pissarsiarineqarsinnaapput: http://www.nuukkunstmuseum.com/kal/atuartitsineq/

 

Siunertaq

Assinik misissueqqissaarluni suliaqarnerup siunertaraa atuartut eqqumiitsulianit misigisatik tunngavigalugit isummersuutigisaat suli apeqqusersorneqarnerunissaat, taamaalillutillu eqqumiitsulianik sammisaqarnerat suli sukumiineruleqqullugu. Atuartut eqqumiitsuliat pillugit eqqarsaataannik misigisaannillu oqaasinnguisinnaanissaannut assinik misissueqqissaarneq (billedanalyse) sakkussaavoq.

Peqataaniarluni nalunaarneq

Nuummi Eqqumiitsulianik Saqqummersitsivik:

32 77 33

kunstmuseum@sermersooq.gl

Piffissaq

Ataavartumik neqeroorutaassaaq. Siumoortumik isumaqatigiissuteqarnissaq pisariaqarpoq.

Sivisussusaa

Peqataasut amerlassusaat

Amerlanerpaamik atuartut 26-t.

Oqaatsit

  • Danskisut
  • Kalaallisut

Akia

Peqataaneq akeqanngilaq.

Klassi

  • 7. klasse
  • 8. klasse
  • 9. klasse
  • 10. klasse

Iluseq

  • Sammisaqartitsiutigaluni suliaqarneq

Fagi

  • Danskisut
  • Eqqumiitsuliorneq illuliortaaserlu
  • Kalaallisut
  • Ullut sammisaqarfiusut

Suliffeqarfiit kulturimik suliaqartut

  • Nuummi Eqqumiitsulianik Saqqummersitsivik